rayondesoleil

 L'autrier par la matinee, entre un bois et un vergier, une pastore ai trouvee chantant por soi envoisier. Et disoit un son premier : "Ci me tient li max d'amors." Tantost cele part me tor, que je l'oï desresnier; si li dis sanz delaier : "Bele, Dex vos dont bon jor."  Mon salu sanz demoree me rendi et sanz targier. Mult ert fresche [et] coloree, si m'i plot a acointier : "Bele, vostre amor vous qier, s'avroiz de moi riche ator." Ele respont : "Tricheor sont mès trop li chevalier. Melz aim Perrin, mon bergier, que riche honme menteor." "Bele, ce ne dites mie; chevalier sont trop vaillant. Qui set donc avoir amie ne servir a son talent fors chevalier et tel gent ? Mès l'amor d'un bergeron certes ne vaut un bouton. Partez vos en avant et m'amez; je vous creant : de moi avrez riche don."  "Sire, par sainte Marie, vous en parlez por noiant. Mainte dame avront trichie cil chevalier soudoiant. Trop sont faus et mal pensant; pis valent que Guenelon. Je m'en revois en meson, car Perrinez, qui m'atent, m'aime de cuer loiaument. Abessiez vostre reson." G'entendi bien la bergiere, qu'ele me veut eschaper. Mult li fis longue proiere mès riens n'i poi conquester. Lors la pris a acoler, et ele gete un haut cri : "Perrinet, traï ! traï !" Du bois prenent a huper; ja la lais sanz demorer, seur mon cheval m'en parti.  [Quant ele m'en vi aler, si me dist par ramposner : "Chevalier sont trop hardi !

.....Thibaut de Champagne (1201-1253)

• nouveau blog | 12-01-2008
• Fin de blog | 10-01-2008
• Mon bébé d'amour | 07-01-2008
• Mon livre d'or | 06-01-2008
• Nous avons toujours le choix | 06-01-2008
• Adieux à la mer | 05-01-2008
• Sensualité | 04-01-2008
• Texte à méditer | 03-01-2008
• La femme et les trois vieillards | 02-01-2008
• 19 instructions pour mener à bien ta vie | 01-01-2008
• Bon reveillon à tous | 31-12-2007
• Professeur de vie | 31-12-2007
• Prière indienne | 30-12-2007
• Soirée en mer | 29-12-2007
• bonne apres midi | 28-12-2007